phone

Við finnum eignina fyrir þig

+354-616-8880

map marker

Löggiltur fasteignasali

Sigurður O Sigurðsson sos@eignalind.is

6 

Costa Blanca - Alicante – Benidorm – La zenia 

Torrevieja þetta eru bæir og borgir sem mikið koma við sögu hjá Íslendingum í dag og sennilega meira en nokkru sinni áður. Ástæðan er einfaldlega sú að það er orðið lítið mál að fara í heimsókn á þessa staði og það kostar jafnvel og oftast minna en að fljúga til Akureyrar að fljúga til Alicante. Fleiri og fleiri flugfélög bjóða nú flug til Alicante en nokkru sinni fyrr og þetta opnar á möguleika fyrir okkur Íslendinga að eiga þarna samastað og margir velja í dag að eiga frekar íbúð eða hús á Costa Blanca heldur en að eiga sumarbústað á Íslandi.

Verð á fallegri nýrri íbúð í dag á Costa blanca er einnig mjög hagstætt allavega núna en þeir sem til þekkja vilja skýra þetta hagstæða verð að hluta til með styrkingu krónunnar og einnig að Bretar hafa verið í vandræðum með sinn gjaldmiðil vegna útgöngu úr Evrópusambandinu og það hefur orðið til þess að þeir eru ekki mikið að kaupa eignir í dag á Spáni auk þess sem óvissa er enn þá um samninga breskra yfirvalda við Spán og Evrópusambandið og óvíst hvort Bretar fái að halda þeim fríðindum sem þeir höfðu áður á Spáni.

En það er samt líklegast og nokkuð öruggt að Bretar komi sterkir inná þennan markað aftur innan tíðar því Spánverjar vilja ólmir hafa þá áfram.
Alicante er að verða ein mikilvægasta borg suður Spánar vegna ásóknar ferðamanna til Benídorm, Alicante og nágrennis og má segja að Alicante sé orðin önnur mikilvægasta borgin í öllu Valencía héraðinu rétt á eftir Valencia sjálfri.

Alicante flugvöllur Aeropuerto de Alicante er eini alþjóðaflugvöllurinn og hann er nýtískulegur og mjög þægilegur flugvöllur en hann var tekinn í notkun fyrir örfáum árum síðan. Þar eru margir góðir veitingastaðir. Frítt þráðlaust Internet og ýmis þægindi fyrir flugfarþega. Flugvöllurinn er í aðeins 10 til 15 mínútna fjarlægð frá miðbæ Alicante. Það eru margar bílaleigur á flugvellinum og samgöngur ágætar meðal annars gengur strætisvagn til og frá vellinum og miðborgar Alicante á 20 mínútna fresti allan daginn og eitthvað fram á kvöld.
Einnig er auðvelt að taka leigubil í bæinn og kostar leigubíll cirka 20 til 30 evrur. Stór og góð lestarstöð er í Alicante og þaðan er hægt að ferðast víða eins og til Valencia, Barcelona, Madrid og margra fleiri staða.

Veðrið er auðvitað yndislegt.
Meðalhitastig í Alicante er um 24 gráður yfir árið. Yfir vetrarmánuði er sjaldgæft að hiti fari niður fyrir fimmtán gráður en sumrin eru mjög heit og er meðalhiti þá 33 gráður. Það er hægt að spila golf allt árið ´Alicante svæðinu og hefur undirritaður verið á svæðinu til að mynda í desember við þá iðju í 15 til 20 stiga hita já svona eins og maður kallar flott islenskt ágúst golf veður. Það eru tvö hótel sem ég mæli með í Alicante ef þú ert að fara til að spila golf El Plantio en það hotel er bara í 5 mínútna keyrslu frá flugvelli og því upplagt að sofa þar fyrstu nóttina ef þú ert að fara síðan niður á Torrevieja svæðið en þetta er yndislegt íbúðar hotel og íbúðirnar eru ótrúlega stórar og þægilegar og golfvöllurinn á Plantio mjög fallegur og skemmtilegur. Annað hotel sem er aðeins lengra frá og nær Benidorm er Alicante Golf hotel það er einnig mjög þægilegt hotel ekki að vísu með eins flottar íbúðir og Plantio en góður matur og öll aðstaða flott auk þess er golfvöllurinn skemmtilegur.
Ef þig langar að skoða eitthvað í Alicante borg er Santa Bárbara kastalinn táknrænn fyrir Alicante og gnæfir hann 166 metra yfir borgina. Það er mjög fallegt að horfa yfir borgina efst úr kastalanum og til hafs. Það er bæði hægt að keyra upp í kastalan og ganga og auk þess er lyfta í boði á toppinn.
Verslun í Alicante er í blóma og þarna er að finna flestar merkjaverslanir sem við þekkjum hér heima og auk þess er alltaf gaman að fara í El Corte Inglés en þar er hægt að kaupa svo til allar helstu merkjavörur og ýmislegt fleira, El Corte Inglés er rétt hjá lestarstöðinni.

Veðrið núna

Scuba Diving on the Costa Blanca, Spain with Dive! Dive! Dive!


Mikið skoðað